Er Rational musings #681

Er Rational musings #681



डाँ नरेंन्द्र दाभोलकर सरांबद्दल आदर बाळगून, एक भित्री कविता ....‼️



जगा व जगू द्या...



मुर्त्यांना पुजता पूजता

माणूसकीला जपतो मी❗️

काल्पनिक देवांना मानता मानता

फुले, शाहू, आंबेडकरांना आचरणात आणतो मी❗️

छाती ठोकून सांगतोय,

सत्य स्वीकारणारा आस्तिक आहे मी❗️



पोथ्या, पुराणे वाचता वाचता

गोब्राह्मणप्रतिपालक राजांना लवून मुजरा करतो मी❗️

दगडासमोर झुकता झुकता

जिजाऊ, सावित्री, रमाईलाच शोधतो मी❗️

छाती ठोकून सांगतोय,

सत्य स्वीकारणारा आस्तिक आहे मी❗️



घामाचे पैसे दानपेटीत टाकून,

डोळसपणे सढळ सकल मदत करतो मी❗️

तहानलेल्यांना पाणी,

भूकेलेल्यांना अन्न देऊन,

देवस्थान निमित्ते समाजहित साधतो मी❗️

छाती ठोकून सांगतोय,

सत्य स्वीकारणारा आस्तिक आहे मी❗️



हिंदू, मुस्लिम, सीख, ईसाई म्हणून जगता जगता,

सर्वधर्मसमभाव सहिष्णूततो मी❗️

धर्मातील पाखंडांना न जपता,

संघम् शरणम् गच्छामितो, तो मी❗️

छाती ठोकून सांगतोय,

सत्य स्वीकारणारा आस्तिक आहे मी❗️



कर्तुत्ववान माणसापेक्षा,

दगडाला श्रेष्ठ समजत नाही मी❗️

मंत्र, होमहवन, कर्मकांड, पूजाअर्चा करता करता,

बुध्दम् शरणम् गच्छामितो, तो मी❗️

छाती ठोकून सांगतोय,

सत्य स्वीकारणारा आस्तिक आहे मी❗️



मांजर आडवी गेली म्हणून न थांबता,

थेट माझ्या ध्येयाजवळ पोहोचतो मी❗️

श्रध्दा वा अंधश्रद्धा? वैज्ञानिक पातळे पारखून,

धम्मम् शरणम् गच्छामितो, तो मी❗️

छाती ठोकून सांगतोय,

सत्य स्वीकारणारा आस्तिक आहे मी❗️



छाती ठोकून सांगतोय,

सत्य स्वीकारणारा आस्तिक आहे मी❗️

---

मिलिंद काळे, मुलुंड पश्चिम, मुंबई

२३ आँगस्ट २०१६