Er Rational musings #425

Er Rational musings #425



Cigarette smoking 🚬 is injurious to health. It can cause Cancer.



सिगारेट ओढणे किंवा फूंकणे हे एक जीवघेणे व्यसन आहे. चित्रपटांतून काही वर्षांपूर्वी स्मोकिंगला ग्लोरीफाय केलं जायचे. म्हणजे, दु:खात सिगारेट, आनंदात सिगारेट, मित्रांबरोबर सिगारेट, पावसात थंडीत धुंद कुंद वातातरणात, ड्रिंक्स बरोबर, चहा काँफी बरोबर सिगारेट, गाणे म्हणताना, विचारमग्न (!) अवस्थेत सिगारेट, जेवल्या नंतर सिगारेट, एकंदरीतच स्मोकर म्हणजे कोणीतरी छान ग्रेट.



बरं, स्मोकींग च्या नानाविध तऱ्हा.



~ खराखुरा फुकाड्या म्हणजे सिगारेटचा कश घेऊन लगेचच तोंडाने हवा आत घेणारा, म्हणजे 'इन' करणारा. पेपर व तंबाखू जळून जो अपायकारक धूर तयार होतो तो आत ओढायचा. मग तो निकोटीन ने भरलेला वायू, आपल्या गळ्यातून, अन्न नलिकेतून, फुफ्फूसं डँमेज करत परत नाका तोंडा द्वारे उच्छादित करायचा. हे डेंजरस, पण हेच तर जगमान्य, व मज्जा आणणारं. हल्लके झिंगसवय लावणारं, व्यसन, टाईमपास; खरतर ही मजा नाही तर सजा.

~ बरेचसे जण हल्ली सिगारेट शिलगावली की ओठांना लावून झुरका घेऊन धूर आत न घेता, ओठांचा चंबू करून बाहेर धुरांड सोडतात. हे खरे फूकणारे नव्हे, पण 'इन' न केल्यामुळे कमी डेजरस.

~ काही जणं झुरका घेतल्यावर तोंड लगेचच बंद करून धूर अक्षरशः गिळतात व परत तोंडाद्वारे (उरलासुरला) बाहेर फेकतात. हे सर्वात हानिकारक.



हल्ली काहीजण उगाचच लाईटस् वा माईल्ड वा गुडंग (वेलदोडा) अशा सिगारेटी प्रिफर करतात. कमी व्हावी म्हणून काय काय उद्योग करतात. दोघा तिघांत एकच सिगारेट शेअर करतात. एकावेळी एकच विकत घेतात, स्टाँक ठेवत नाहीत. एक किंवा दोन (च) प्यायच्या असा निग्रह जरी केला तरी दारू पार्टीत वगैरे कधीकधी जास्त होतात (च)! ना?



एक वा दोन, कमी किंवा जास्त, परिणाम वाईटच.



अर्थातच, nothing can be generalised.



अपनी अपनी पसंद, अपना अपना खयाल, अपनी अपनी सोच और अपना अपना नसीब...

---

मिलिंद काळे, 11th March 2016