Er Rational musings #402

Er Rational musings #402



शहाणपण



इथे वाटतं प्रत्येकाला

आपणच फक्त शहाणे

झाल्या जरी हातून चुका

तरी करतात बहाणे



वाईट नसतं कोणालाही

मनापासून चाहणे

मात्र वाईट असतं कोणालाही

पाण्यामध्ये पहाणे



जरूरी असतं प्रत्यकाने

वकुब ओळखून राहाणे

नशिबी येतं नाहीतर

प्रवाह पतित वहाणे



- कवीवर्य कुसुमाग्रज

( विष्णू वामन शिरवाडकर )



जन्म- २७ फेब्रुवारी १९१२



मृत्यू- १० मार्च १९९९



२७ फेब्रुवारी हा कुसुमाग्रजांचा जन्म दिवस ’मराठी भाषा दिवस’ म्हणून साजरा केला जातो.



निर्धार, निश्चय



~ मराठी वाग्म़य वाचूया.

~ मराठी चित्रपट, नाटकांना प्रोत्साहन देऊया.

~ मराठीतच बोलूया, लिहूया, ऐकूया.

~ जिथे व जसे आवश्यक तेथेच मराठीतर भाषांचा (अपरिहार्य) वापर करूया.



मी मराठी, माय मराठी, जय मराठी...

---

मिलिंद काळे, २७ फेब्रुवारी २०१६